RIST

KUNDI: RIST
STAÐUR: Saltangará, Føroyar
RÚM: Matstova, bar, inngongd og tvey vesið
LIÐUGT: Juli 2024

- Eitt elegant steakhouse við óvæntaðum detaljum. -

Ynski frá kundanum var at sniðgeva eina hugnaliga og hugvekjandi matstovu, við óvæntaðum spennandi detaljum og tó við einum róligum dámi.
Avgjørt var at brúka ymisk dramatisk element í inngongdini og barrini - og har afturímóti at halda matstovuna róliga og eleganta. Vit valdu eisini at varðveita gamla betongveggin og halda hann heilt ráan, hetta fyri at síggja søguna á tí gamla bygninginum hjá Bjarna Blikk.

Tilgongdin til sniði hjá RIST kom frá at hyggja eftir ymiskum whiskey lounge barrum úr eitt nú bretlandi og aðrasteðs, fyri at fáa ein ráan, myrkan, maskulinan og róligan stemning við nógvari dýbd. Eisini var spælt við mótsetningum í hesum - m.a elegantu lampurnar runt ymsasteðs, velour sofurnar, dramatisku tapetini og ‘chequered’ flísarnar á gólvunum í barrini, inngongdini og vesunum.

Traditionellu karmlistarnar mótið ráa betong vegginum eru ein tilætlað óvæntað detalja, ið skapa eitt áhugavert skifti frá inngongdini til sjálva matstovuna. Antikk gráu speglini í barrini og inngongdini mynda eina serliga óendaliga dýbd - ið er við til at gera eitt róligt huglag.

RIST tilgerð matin á eini grill - Hetta ynsktu vit at draga fram í val av eitt nú kalkmálaða veggjalitinum, fyri at fáa ein ‘royk-kendan' myrkagráan lit. Ymisku nettligu gull detaljurnar td. á buffalo leður stólunum, borðlampunum og veggjalampunum vísa aftur á flotta og kantuta búmerkið hjá RIST.

UMMÆLI

“Vit ynsktu hjálp við innrætting av nýggjari matstovu í Saltangará. Við fleiri eigarum er torført at semjast um ein stíl. Vit góvu Guðrið nøkur uppskot til íblástur, og vit hava ongantíð angrað avgerðina at biðja Guðrið innrætta matstovuna. Ongin av okkum kundi ímyndað okkum úrslitið, áðrenn vit byrjaðu, men eru sera glað fyri úrslitið í dag. Vit eru serliga glað um verkætlanarleiðsluna hjá Guðrið, tí hon hevur syrgt fyri øllum – tað vil siga møplar, pynti, nipstingum, samskift við veitarar o.s.fr.”